سلمة الدرب
و خليتك
تمش ساكِت
بدون ماتسيب لي ذِكرى وراك
بتتردد عشان خايف اكون انا مرة اجري وراك
منو الوراك
منو الخلاك تتجرأ وتاخُد لي قرارنا براك
مدا الضراك
واكبر غلطة ترفض اني ابق معاك
بتفرق ايه ؟ إذا خليتني ابق حِداك
يمين بالله اتحداك
اذاما كنت ات ندمان
وحتسِف التُراب أزمان
ولو عزّاك يوم إنسان
على موت العشق جواك
ولاتحزن ، كويس إنو ماشه معاك
كويس انو دمعاتك بقت تبراك
وبعض الناس بقت تهواك
ولو ات مافرقت معاي أظِنّ انا مافرقت معاك
خلاص يازول اُكل نارك واتدفى الجمُر جواك
ولا تترجى مني أمل ولاتظِن إني بترجاك
دموعك لو تسيل جواك
متغسل بيها قلبك داك
عشان قلبك هو دا الضراك
وشِلت ثِقاتي ستّرتك
وقلبك بالشكوك عراك
وظنّ بأني دمرتك
وفي وسط الوهم شراك
وكم مِن مرة حذرتك
وقُت لك ياحبيب أوعاك
ومِن تحذيري فتّرتك
وكم مرة القلب سراك
لِقاك انك ولا بتحمد
بتسكُن في شُكوكو لِقاك
فأبعد عن طريقي عديييل
سلامة الدرب تمشي معاك