لفة الطرقة
عاطف شمبات
لفة الطرقة
بي تحِل عندي مليون
الف فرقة
لمّ خوتنا الحميمة
للظروف تبقالنا درقة
ايدي في ايدك نصوم
شهر رمضان فيو محبة
قادرة تمسح سيل هموم
من جبين ضنك الحياة
تبرد الحر والسموم
جانا رمضان شاري خيرو
في تفاصيلنا الرحيمة
هاكِ آبري معاو رُقاق
عادة عندنا جد قديمة
ناولو بُن قول ليهو ساي
مرة جيب جك العصير
و ناولو سيرمس فيهو شاي
بُكرة ح يجيب ليك فطير
لمة الناس في الشوارع
للسابلة مقطوع الطريق
اللي فكر فيها بارع
حظو من فكالو ريق
جوة سودانا النريدو
قيمة عالية من المحنة
يلا نرسل في بريدو
نحن دار نبنيك جنة