صلى وسلم عليك يا نبينا
رب العالم وليك يا نبينا
يالناجيت المليك .. صلي وسلم عليك
واهب اسرارو ليك .. حمل العالم عليك
نبيا بشرانا بيك .. الله ارحمنا بيك
ذهب النسبة السبيك .. من ادم لي ابيك
انتي القايم وشيك .. ساري الليل من عيشيك
كان هوينا مشيك .. والابطال تختشيك
انتي الناهي وامر .. ليك انشق القمر
ثم المزن انهمر .. صب لي دور استمر
انت النبي يالمجاب .. صاحب الامر العجاب
ليك المولي استجاب .. كاشف ليك الحجاب
العطاي الكريم .. لي الاطفال والحريم
ليهو الصيدة بتليم .. كفو بحل الغريم
عادل كان ما ظلم .. حالي القول والنغم
مسك زال السقم .. كم فرج هم وغم
البسام الضحوك .. بالالحان نمدحوك
يا نعم الواجهوك .. بتسامح ما بسامحوك
برقا من دجاي .. بالاسحار لي جاي
ناوي القومة لي حجاي .. فيه ما بخيب رجاي
صلى الحي الوصول .. للمختار الرسول
البرعي الرايم الرسول .. لا يظلم لا يصول