سألوني ياخ بتحب منو
فضل المولى زنقار
سألوني ياخ بتحب منو
وانا ياخ خجلت واخْتَشيت
انا خفت من غيرة البشر
لملمت إحساسي ومشيت
حلفوني علشان اعترف
ياخ والله ماقدرت وأبيت
انا أصلي يوم عشق بشر
ببنيلو في كتماني بيت
اغروني ليك بي كل شي
وانا برضو زايد في العناد
وانا قلت ليهم باعترف
خلّوه اسمو بي طرف
لكنّي بي قلبي اكتفيت
انا جد عشقتو بدون كذب
لي مشاعرو صدقت ووفّيت
قالو لي طيب حرفو مين
وانا بين حرفو اختفيت
ورفعت ليك حاجبي الشمال
بي كل دواخلي اصطفيت
الناس دي عماها السكوت
وانا لسه بوصف وماكفيت