عشانك يابا سبت بلادي
علاء الدين عبد الرحيم
عشانك يايابا سبت بلادى واتغرب
واتحمل مآسى الغربة شان يايابا ما تتعب
قلت اشيل معاك الهم واقاسمك في الشقا واتعب
وعشانك يابا لو ترتاح اقاسى واعانى واتعذب
لا تشيل لي هم يايابا عارفو قليبك انت كعب
سعيد انا في العذاب البى مادام الفرج قرب
مهما شقيت انا وعانيت واتحملت هول وصعب
مقابل بسمة منك يابا ارتاح وانبسط واطرب
منو الزرع الفضائل فينا لى أخلاقنا مين هذب
منو الورانا قيم الريد ويوم ماشال عصاتو ضرب
منو الفرش دروبنا ورود ولى كل البعيد قرب
منو الفهمنا معنى الجود ويوم مارد لينا طلب
غلبنى ارد جمايلك لى ولم خلاص غلبت كتب
قصيدة توضح المكنون عساها تكون شوية انسب
كيفن احل ديون مردومه منك فوقي بالاردب
صعب صنع الجميل لكين لقيت رد الجميل اصعب
وجودك بينا نعمة وخير مدفق والله لينا وهب
كلما تعفو خيرى يزيد وكلما ترضى افوز واكسب
عفوك يايابا رى عطشان عفوك انا منو داير اشرب
كلما يزيد برضى في الزيادة ارغب عفوك لي زي
صباح العيد برجا هلالو واترغب عفوك لى زي المطر
يروينا يشبع للقليب الصب عفوك يايابا دفقت خير
تخدر في نفوسنا جدب معين رودك عيون توتيل
لابيجف ولا بينضب انداح طفا نار البين وفوق جمر
اغترابنا سكب رضاك في الدنيا نور وسرور راحة بال
غنا ومكسب مفتاح لي الجنة مغلاق لي سعير ولهب
شوق وتحية ليك يابوي قدر ما الهمبريب هبهب
قدر ما اينعت اشجار وشالت موز وتين وعنب
قدر ماشال نخيلنا سبيط وهدل لى جريدو رطب
قدر نجم السما الضواي قدر ما اتخلق كوكب
قدر ما موجة طالت قيف قدر ما نيلنا فاض تسب
قدر ما اتسبح الخالق قدر ما اترددت يارب