وطني الغالي
وطني الغالي سيد الأوطان
جاروا عليك أم جار الزمان
حبك فينا مدى الأزمان
خيرك وافر في كل مكان
مناظر خلابة تسعد الإنسان
مصانع مزارع وكم بستان
أنهار تجري بِرك وخيران
محاصيل تكفيك والجيران
بلد كريم من أجود البلدان
بلد التقوى محصن بالقرآن
شعب أصيل أهو ده السودان
جيشنا الحر ما بيقبل هوان
أبطال أسود أعظم فرسان
قدير بجدارة ينش في المليان
عدونا الخائب هو الخسران
أكيد أكيد مهزوم لانه جبان
بلد الطيبة فيها الخير مدرار
أمطار غزيرة غطت الديار
بترول كثيف ذهب وأحجار
صحة وتعليم في ازدهار
فيك رجال حازمين شطار
ما بيهابوا الموت أو أخطار
مثال المهدي وعلي دينار
جنود اتحزموا خاضوا النار
اتوحدوا كل همهم الانتصار
آه آه عليك يا بلدي الجريح
هامد على الفراش طريح
من الألم ما قادر تصيح
حليل لما كنا عندك نستريح
كنا نمرح في ترابك الفسيح
حسدوك في قبر بعيد دفنوك
دمروك عز شبابك سلبوك
اخذوا مخزونك وجوعوك
ماعارف صليحك من عدوك
سلموك لناس جهلة ما قيّموك
فكوا الفرامل كيفن يثبتوك
دخلوك أغراب ما بيشهوك
المواطن يئن مكسور الجناح
فقد تعليمه وجرس الصباح
في أي مكان ما هو مرتاح
منزله وكل ما يملكه راح
الأرض حزينة محتاجة الفلاح
عدونا الظالم جائر سفاح
بجبروته طاغي يحمل السلاح
في كل قبيح هو منداح
غدا نعود ننسى الجراح
دموع ممزوجة مع الأفراح
ألم وحزن عنا ينزاح
الليل الداكن يبقى صباح
بعد العتمة تهب الرياح
تحقق الآمال يعم الإصلاح
بعد الحال زغاريد وافراح