الليل لما يبدأ
إسراء بخاري
الليل لما يبدأ
بتبدأ معاو حكاوي
الاوجاع بتصحا
وبنضل الخطاوي
الشوق ف قليبي
قاعد لي يكاوي
قت ليو م تقابض
م تجيب لي بلاوي
الشوق ي حبيبي
طالع من عيوني
واصل لي مكانك
حاول ابقا جنبي
ببقالك حبيبه
وأسمع لي كلامك
ما تبعد تسافر
بس خليك قاعد
لملم ليا شوقي
وجنحك خلي فارد
بعشق لي عيونك
لما تكون معاند
لما اقول بريدك
ومابحمل بدونك
بقصد بحيا بيك
بعشق لون عيونك
انت حياتي اصلا
ياريت بس اكونك
وعارفاك لا بتسمع
لا واصلك خطابي
قت اكتب قصيده
يوداب باديه دابي
بكتب شان أعبر
واكتب عن عذابي
عن ريده ومحبه
عن أفكار تليده
عن زوله بتريدك
تحلم بي جديدا
جواها الف اهه
طالعات ف قصيده
هاك خليتو حبي
ببدا نصوص جديده