يا عصافير الصباح
الفاتح محمد أحمد
يا عصافير الصباح
بلغي المحبوب سلام
وريهو بشوقي الكتير
وعيوني فاقدها المنام
قولي ليهو حرام تجافي
وليه لزوم يعني الخصام
يا عصافير الحب الحنينه
قولي للمعشوق حرام
قلبي من خلقوهو ليك
وانت في داخلو المرام
حقو يعرف من عرفتو
قلت للدنيا السلام
ما هويت زولا سواك
وكنت في كل الكلام
وكنت في حروف غناي
وما زكرتك بالملام
وينك يا عصافير الصباح
هاجرتي محبوبي ولا نسيتي
كنت منتظرك بالجواب
وكنت صابر ليه قسيتي
اديتك قلبي في جناحك امانه
وما كنت متخيل تسيبي
وقلبي من شوق انتظارك
يظهر في دمعات عيوني
وين مكانك يا قماري
طايره في سحب الاحبه
ما اظنك عارفه ريدي
والشوق الفيني استخبه
المحبوب لسه علي جاير
ومافي مره علي حنه
زكريهو بي ايامنا الزمان
زمن كانت دنيتنا جنه
وهسي امل قلبي الوحيد
تعودي وترجع ايام المحنه