بخاف أسأل عليك الناس
حسن السر
بخاف أسال عليك الناس
وسر الريده بينا يذيع
اخاف أكثر كمان يا غالي
من إيديّ إنت تضيع
وأعيش بعدك حياتي جفاف
مواسم ريده مافي ربيع
بخاف يا إنت لو جيتك
ألملم في خطاوي الشوق
وأزور بيتك
يقولو عليّ حبيتك
بخاف لو برضي غبت عليك
تقول نسيت وجافيتك
بَهـِم لو صدفه لاقيتك
درب حِـِلـِّتنا جابك يوم
تشيل ياروحي ترمي اللوم
عليّ وتزيد همومي هموم
تقول جافيك وأنا نسيتك
أريت تعرف حنيني إليك
ياريتك كمان تعرف
لحدة وين بعزك
وفي أعماقي حسيتك
ياريت إنت تعرف
وبس خايف إذا جيتك
حكاية الريده تمشي تذيع
ومن إيديَّ إنت تضيع
وأعيش بعدك حياتي جفاف
مواسم ريده مافي ربيع