مايو 2026

الصباح باهت بدونك
والعيون راجياك تجيها
والضلام الفيني أدكن
من مواجعي البحتويها

سلخ جلد الحنين ضيك
سأل جوايا صوت الريد
صحيح ضي الحبيب زيك
وكت لفحنك الغيمات

بي باب الحوش الوراني حسيت بي صوتك ناداني
لفحة التوب فردة مركوب كسار الطوب خرش شوقي
وانا دايرة اطير لا شايفة الناس لا شايفة الغير

صباح الخدرجي و صباح الجزارة
صباح الضبيحة و صباح الخدار
صباح الطماطم كباراً و صغاراً
صباح الفرن و الرغيف لسه حار

قلت أكتب حاجة تانية حاجة لا حب لا غزل
بديت أفتش في المواضيع.. بديت أرصرص في الجمل
قلت أكتب في بلدنا.. تهت ما خليت محل

ياخي نقول في زول قابل معاك كم زول
وقبل يجيك قابل زول معاو كم زول
وقبل يقول سلام ياناس
قاطع نضمو واحد خاف وقافو يطول

نقاط الزير
ولحاف مهرود
ما تامي سرير
والحوش وسخان
بلاعة البيت
جركانة الزيت

ووقفت في باب الحلم ناديت عيون النوم تفيق
تنفض نعاساً وتفتح على الفجر الرقيق
شباك وبابين اشتياق لموجة في بحر الرفيق
ونسة عصافير الصباح لمن يجابد الريح شهيق

في مراسم استقبال حبيبة وكون فسيح
انشداه الجو مسلط
الصباح أول خريف
السحايب سابحة كانت ستة ستة
والمطر مرات يصب مرات يقيف
والشمس تظهر وتلبد

احتويني يا موهط جوة خاطر الريدة فيني
واندفق جواي أغاني حبر أماني
كتب على دفتر سنيني
دي البنية الداسة ريد كل البنات البشبهن روحا النقية