مايو 2026

سلم على الطيبين في بلادي يا أسمر
قبل أيادي الطين تزرع حلم أخضر
ودي السلام ضعفين
لي أخوة متسالمين

شفت البسمة الوقعت منك
عملت في واطاتنا عمايل
زرعت بذرة وقامت خدرة
وخلت كل الناس حلوين

هو دا ياتو ليل
بقدر يلم قلبي المحب
قنديل هواي النورو ضاوي درب درب
وحبيتي مشوار صعيب داير كرب

منسية ساجدة سجود سهو
يا ناسية فرضك وهم نسوك
ما كلموك؟
النيل ضهب منك وقت يبطل وضوك

أقصى الوجع إنو صحبك يعادي
يزيد في خصومتك ويرميك عادي
يبشتن حواسك وهو الكان
بكون في خصومتك هو ناسك

شلت من الصيد
عين ونفرة وجيد
القدر مكتوب
تبقى سيد الريد

إكتمال سرب البنفسج
في احتمال اللوحة سرمد
عدة ألوان عندك أحمد
أبهت أولاد عمك أبيض

ابتسامة ذات معنى
تفرح القلب المعني
كل من شافا تمنى
أن تدوم الابتسامة

ياخ يسعد مساك
كيفك إنتي الخبر
عُلو خير؟
عُلو هذا الحنين المعاي ما معاك

شن قولك إذا لبس الصبر همك
صبح كل الفرح هولك
وشن قولك إذا مترت إحساسك
طلع هم البلد طولك