العاميّ

النيل كان مصاب في إيدو
ثرثرة الرياح جرفتلو
حزمة ضو ملانة غبار

يا سلام
لو تبقي جلسة جبنة
في طرف البحر
أو قعدة في صالون حلاقة

يا قمري البضاوي
الحنين واصوات خطاوي
ريدك المالي المسافة
وباقي للافراح تقاوي

انا حالي ياغيمه
وين ماتصبي معاك
اشواقي صبابه
مكتوبي اباري هواك
لما الفرح يابا

آخر ما تأخر
روحي هديتا ليك
و هاك قلبي المعطر
بس أشر و شاور

يوم مطرة الريده نزلت
تسقي عشاق الجمال
يلا يا اخوانا دقوا
طبل دنيتنا الحنينه

مرة ولا دستة رجال
ما بارت القيل ولا قال
مرقت عشان حق الدوا
لفحة الهوا

الحالة وصيتك علي
مش قلت ليك
ما تبقي اسمح من كدا
انا قلت ليك
ما تكتب الريد
في النسايم المارة بي

البعزك ما بسيبك
لا ببدل زول مكانك
والبريدك بي عيوبك
يبقى يستاهل حنانك

أنا كذبت عليك يا غاليه
أنا يوماتي حبيبتي بخونك
لما تغيبي بغازل طيفك
ولما تجيني بدوب في عيونك