العاميّ

مرقت
من أنفاس القصيد تايهه بتفتش عشها …. تاهت مع زخم الكلام راحت ملامح وشها
ونا كنت من خوفي الشديد بي ألمي نيلي برشها
(طلعت بتشبه اي شي! ما اي شي بس أي شي فوق الجمال)

خليك واضِح أبقى خير
يخشُوك اصحاب كل شر
خليك واضِح زي بياض لون الزفاف
او دخري زي حُباً دخل قلب البريئين النُضاف

يعني كان لازم تقولي؟
مالو لو جاوب سُكاتِك
أو تردي بهمس خافِت
زي قِرايتِك في صلاتك

وكُستك جوايه
لقيتك وتين
وبين الضُلوع حقتي بتستكين
بحثتك في قلبي
ولقيتك صغير

سعادتك جميل
واجمل مافيك
أن تبيع انت عادتك
وبرضك تظن انو عادتك هي عادتك
سعادتك

و خليتك
تمش ساكِت
بدون ماتسيب لي ذِكرى وراك
بتتردد عشان خايف اكون انا مرة اجري وراك

على قيد الامل مكبوت
على سفن القدر منداح
قبل حتف الحقيقة يفوت
وفي شاطي الوجع نرتاح

ياشعلة تِتْحدى الظلام
ياغيمة في شمس الضُحئ
ياشمعة ضوت من بُرام
جُوايا نُورِك ما انتهى

اصحاب
وكمان يمكن أكتر
يمكن أحباب
وكمان يمكن أكتر

ودفقتك
مع حترب عشق ماضي
جدعتك في نفايات الغرام الهش
وقلبك اصلو ماراضي