العاميّ

وفتشتك
لقيتك في طشاشات الضلام نظرة بتساوي الضي
وقادرت المآسي البي مع حزنك لقيت انو الحزن جواك ولا بيساوي ربع البي
وكت فاكر بإنو الدنيا من غيرك الاقي أمل أقلو هي مرة تنطاق لي

ماوريتك
يا انسان جوايه محكر
قلبينا بيتك
أسكُن زي ماتدور واتحكر

انت ياشهد الاماني
ياصفق ريدي المندي
ياشموع اعياد هوانا
واجهي الريح بالتصدي

يا وطن خليتنا نزهج
من سيادك لي عبادك
خوفي حتموت ماتلاقي
زول يقيف لك في حدادك

يوم قمتي أعلنتي المزاد
عن حبك الماليو تمن
الناس بتتسابق عليك
حتى البنات فيك فكرن

يا حبيبةْ…
عندي فكرةْ…
لما أرحل مني بكره!
نسبة الحلا قلليها
للبشوفوك أبقي شطة
ولي خدودم بي دموعم بلليها
واحرقيهم كيه فيهم
ولي حياتك…

أذكر بقعة امدرمان
وانشر في ربوعنا أمان
ذكر يا شبابي زمان
درانا ودار أبونا زمان

ياما سألت عليك كتير …ياما سألت سؤال نِكير
وين زولي يا ناس وين أميرةَََ الكون حلا
وين الرسايل الكان زمان بترسلا
قولولي يا ناس شن حصل قبال أسافر أحصّلا

هديمك يا وليد مقدود وصابحنا الفقر
و الجوع صبح باب التكل مسدود
كمل حتي الملح في البيت وشن هم
الملح في البيت وكت ملح الدموع موجود

شلة مكافحة
قرروا أنهم يقروا الجامعة
واحد طلبة وواحد بنَّا وواحد كافل أختو الشافعة
وواحد لافي ولافي ولافي وما لاقيلو شغلةً نافعة