العاميّ

أبوي لسه حي
سامع صوت التلاوة
ضايقة طعم الحلاوة البيهديها لي
وأبوي لسه حي

حت في الريده في طابور خامس
ناس بتحب بكل أمانه ..
وناس حاسدانه ..
تفتش كل مداخل تايها
عشان لهموم أحزانه تلامس

رخصت متين قلبك عندي
شان ماتتقاطع في شوارعك
وريتك كل قواعد الشوق
ماضيني وحاضرك ومضارعك
هسع بتسوق ليه دون ترخيص

من بدري شديد
والليل بيودع في الواطة وبيقول ليها :
وصيتك عشرة على روحك
ما تنسي صلاتك في الزحمة
وأولادك لو غلطوا فحقك
ما تعصبي واتذكري انك

زول بشوفك في عيونو
و انت ابعد ما يكون
زول بيغرق في الأماني
و انت تملاو بي الظنون
زول بعاند في ظروفو
وباني من الفرحة كون
زول معلق من مشاعرو
ومشتهيك حد الجنون

بي حبي وديتك مكان ..
و رفعتك أعلى من الغيوم
غطيت عيونك بالحنان ..
و سميت عليك كل النجوم

قولتلا اتزكرت قلبو ..طيبتو
ضحكاتو … وصفاهو
اتدمدمت حين خجلة بي توبا السحاب
دنقرتا في حين زكرة لي كلمات هيام لي قاﻻ فاهو

يا دياري العامــــرة كيفـــــــــــك؟؟؟
ولا كيف ستــــــرة بناتك؟
لسة ما زالت بتقدل؟؟؟
ولا قنعت من شتاتك؟

المكان
صاح
لطيف
بس غيابك
حقيقي
وتماما
منقص جمال
المكان