العاميّ

وانا كنت سارح
في تفاصيل وردة
سارحه مع الغلابه
في زمن ملياان حرابه

ما قبييل طردت الامنيات
ومرقت لى اﻵلام براك
وقعدت فى حر الشقا
وخليت وريف الريد وراك

زيد قسوتك ياغالى زيد
وكلما تقرب ليك خطاى
قفل مداخلك وزح بعيد
ماف زول بجبرو على الوصال

وين يا غايبه ..
وين ركت طيورك بيكي ..
وكيف تميتي نص الحلمه ..
بى شرف الهنا المفتوحه ؟

ﻛﻴﻒ ﺣﺎﻟﻚ ﻋﻠﻚ ﻃﻴﺒﻪ ..
ﺍﻟﺒﺎﺭﺡ ﻃﻴﻔﻚ ﺯﺍﺭﻧﻲ ..
ﻛﺎﻥ ﺣﺴﻚ ﻣﺎ ﻓﻲ ﺣﺎﻟﻮ ..
ﻭﻭﺷﻚ ﻣﺨﺘﻮﻑ ﻭﻣﺨﺒﺎ ..

الصباحات مستبده ..
والجراحات شايله سكين
للجراحات النزايفه مستعده ..
ويوم بدون عينيك حبيبي
غلبني كلو ولانعدا ..

غيماتك الشرن .. تخن
وأنا حارسه ليلي مناي تصب
وتهب
إذا نارك طفت
أو إكتفت ختيتله شب

انا حبيتك
جد حبيتك
كنت المدرسة والاستاذ
والطبشيرة ولون الدفتر
وحصص النقة وطعم القنقر

أول خيار بختارو
لمان أحس بالضيق
أول خيار لي قلبي
الإتصال بصديق

بي أشواقي حس
بي نظراتو سلم
و بي بسماتو مس
يوم المغربية