اسم الكاتب: ghaydood

أنا الممكون وفاكِّي الريق
جغيمة موية من إبريق
لهيب الجوع حرقني حريق
مِطَفِّق لَي جضيماتي

البيوت مرقت تعاين
للسحاب الفوقها حايم
ما هي أصلا عارفه حالا
عطشة الزول لما صايم

عَشّه .. كلّمينا
ميري .. ذكّرينا
كل سنكى أحسن
يبقى .. مسطرينا

منبوشة منبوشة
نبشوها قبالك
بت حالا زي حالك
ذي كلمة مربوشة

وبي لغة القصيد
قالت :
شفتك قبل
القاكا وين

جات ماشة فى باقى النعاس
لمن تكون يا دوب صحيت
ما تمّ وعيك بى المكان
كده زى بداية كلمتين

بواعدك ياجميل الروح
اجيك قبال تروح الروح
اكون متجدد الاشواق
مخلف من ورايا جروح

بتكتب
إرتجاف النبضة
ما عكر المزاج بالشوق
وما رفت رموش كسلانه

ريحتك لسه في يدي
وريدك يا حبيبة الروح
مراكب حالفة ما تعدي
وموج الشوق يسوقني عليك

لو ما الكتمه
ما كانت شبابيكنا
اتملت
بي زخّة الأمطار