اسم الكاتب: ghaydood

في الليلة ديك القصة ذاتا بقت عليك
يا عبدو وأدوك الشريط يوم قلنا ليك انضم معاها وانتظر
شوف اليكون إن شاء الله خير أبيت تسمع كلامنا بقيت لميض
قلت احسن أكون تقيل أنا ما جميل

ناس البيت هوووي يا ناس يا عشمانة يا إخلاص
بنات كلتوم يا فوزية كيف حالكن مشتاقين سلام بالكوم
جات سعدية شايلة شمار معاهو التوم مشت شهرين
تنفس بته الخمجانة في الخرتوم تمام شهرين

انا راسى جاط ما بين هواك والدبرسه
الفت عشرين الف بيت سبعين قصيده مؤسسه
شان مره الفت انتباها ومره اقدر احسسا
يا حلوه يا بت هندسه يا حلوه يا زينة البنات

يا دنيا ليه دايما كده كل الظروف متمردة
حظ الشقي الما خلّا باب في الدنيا لافي مُحّددة
لا طال حلم لا طال نصيب بقراية كوم متعددة
يا دنيا ليه دايما جري ما تقيفي مرة واصبري

ضلافينك جميلة وكت تعفصي طين قليبي حنان
وتقدلي زي سخل منداح بسابق في ضنيبو الكان
بهش ضبان ثقيل متلم ويرقص لما تمشي كمان
عيونك سر جمالا قضا ملايس خافي حوصاً بان

ارجوك يا اماه يا محبوبتي لا تهبشيها عصيدتي
مدي الي بمقبض المفراك وحبيبة من ويكة مدقوقة في الفندك
ارجوك يا اماه يامحبوبتي ان مرة جاءؤا اليك وخبروك
بأنني انا حامل للحلة لا تجزعي لا تجزعي بل زغردي بل كبري و تهللي

تسألوني كيف عامل حالتي و الله صعبة
من بقيت واحد موظف قلبي للعربات حبَ
كل ما شاهدت تكسي صفق القلب و شبَ
و اظل الليل احلم راكبا في التكسي جنبة

كل ما أقبّل وأعاين ألقى عينيك جات في mine
حاجة very good حاجة fine
يا suger مصنع كنانة يا flour مالي البطانة
إنت fantastic banana

اتململت في القعدة واتشهدت مليون مرّة
بخاف المحنة والزرة لساني خفيف وقلبي رهيف
واكان قالت صباح الخير اقّرب اقيف
براي يوم داك رميت نفسي طردت الخوف ده من قلبي

ريدى ليك يا أم شداق يقلب اللورى فى الدقاق
ولما أغلط وأقول مشتاق عيونك جب تكرب جوه فى عيونى
تبهدلنى وتبشتنى وتجقمت فى مصارينى
وأتوكل وأقول اااااااي بريدك