اسم الكاتب: ghaydood

بحبك ! منو القال ليك بحبك
حصل شفتيني اتكبكبت ؟ ولا جريت انا في دربك
ما ساكت قدر مكتوب كان جابني وقعد جنبك
ولمن كان بعاين ليك ماعاجبني لون عينيك

أجبر خاطري بس يا زول لو حني بي مس كول
ليه أصبحت جافي وريدك ما هو صافي
صارف عني ولا إظهار رقم مافي
قول لي أيه يفيدك وأنا قلبي البريدك

يا حبيب الشعب يا إنتاج بلادي
الله ما أحلاك بالجبنة والزبادي
فيك سحر غير عادي
إنت القدر و الحبيب
رهيب والله رهيب

حظي التعيس الهردبيس الناس يرك فوقا الحمام
انا يرك فوقي الكديس افرش مصلايتي فى الجامع
تطلع قرمصيص لوقلتة أقشر يوم خميس
و أفوت الحفلة فوووو طوالي تتفرتك الحفلة وتموت أم العريس

يا زول تعال شوف الخشيم ممطوط تقول جاريه سيل
ولّا الكضوم منفوخة كيف منفوشة زي طشت الغسيل
وده كلو كوم ولّا الكرش تحلف تقول بالعالا فيل
وعيونا داقشات الغزال كافتات شمال من غير دليل

لي إيدينا بنرفع والعازب كلو يسمع
نفوسنا كتير مشتاقة للراعي دوام نتضرع
شعارنا عريس متواضع ياخي ياقدر اسمع أجمع
نحن البايرات في لهفة والعمر ولي وودع

شكيتي وبكيتي وقلتي عاوزة موبايل
مشيت وجريت وجبت ليك ستاير
ستاير ومرايل ودواير على قافية موبايل
أوع يا ولية أسمع منك قوايل

ما عشقتك لي غلاتك

انت اغلى من العيون

او هويتك لي حلاتك

انت اجمل شئ يكون

يا المعلق في الشناكل

قال واحد جعان:

يا حاجة أشبه بالرغيف

مرقوها أسي من الفرن

أنا بفقدك لما العيون

تشتاق أماسيك الشبع

يا جزمتي الشالك يطير

يبلوه بي مرضا خطير

بي الايدز بي شر مستطير

يا جزمتي الشالك يقع

في بركة في يوماً مطير