نأت خطايا في أرض الاغتراب العربي وكان المنى والتوقع أن أحظى بمال وفير
في زمن وجيز وأعود حاملا الهدايا للأهل والأصحاب لكن للأسف لم يكن النوال
كما توقعت وعجزت عن جلب الهدايا فألفت هذه القصيدة معتذراً بها
لمن توقع هدية ود اللّمين الباقي رايه وصاني كتر للوصايا
الدخري يا ود اختي عز الدين باكر تزور بيتنا وتشوف صورتي
وتقول حبوبه ديييك صورة منو الملصوقة في الحيطه
يقولوا ليك دي صورة خالك آ ولدى حليل خالك
أكان زولاً بشد الحيل يونسنا وكلامو لذيذ عديل بالحيل
زي ما انتو يا الحلوين خالين بال ومرتاحين
تاكلو رغيف وكلو خفيف وكلو ظريف
انحن كمان هناك عايشين نضرب خدرة بكاتولة
نتمها موية بى دغلوبة ناكل لوبا بليلة فريك
يامن حببته وما حصل حباني قدمت طلبي إليكم من مدة
صهينتموا مثل وزارة الإسكان حبحبتكم حبا يؤدي بأضلعي
سجلته بالفحم في الحيطان أنسيت قعداتي مقاصد بيتكم
متفرجخا في عتبة الدكان راجيكي تفتحي بابكم في مرة
ياني الزمان البحكو بي والليله عاد جني القديم
فار قام عليّ بطلع في راس البيت نهار
أعرض أتور في العلال أسمع طبول بتدق لي
دق دق ددق يا الله حق طق طق ططق
انا المشرور على حبل الهوى ونشفان
انا الزهجان ومادى البوز وجد قرفان
انا الما راعوا فينى حق الجار لا احسان ولا عرفان
انا الادونى كم شاكوش انا الجلدونى بى خرطوش
أحي أنا ويا بختنا ويا حظنا وأحي أنا
قالوا في تعليمة في حينا اتلمن أُمات عيون فيهن هَنا
وأُمات جضوم حديهن هِنا سيقاناً زي القَنا
والله أخير حقاتي أنا ديل كمان منو الجابوم هِنا
يا اللي ريدك فيني طبعة يا المكسرة فيني ضلعة
يا البجيك في الجامعة دايش يوم خميس ألقاه جمعة
يوم أشوفك قلبي ينتف عرقي ينزف وابقى اشوفك سبعة سبعة
أصلو ريدك جاني فجأة وأدى لي صنقوري كبعة
حبيبتي I love you ومن حبك I shall die
من شِدّة ما إنتِ beatiful شعري الفي راسي fly
I see في عيونك sea I can’t swim براي
when I see you في الroad going to the shop بي جاي
كل زول في حياتو يا ما تمر قصص وقصص غريبة معقدة
وأنا جيت هنا داير أحكي بس قصة ندى
في حد ما بعرف ندى السمحة لون القمحة
شكل الوردة بقطر الندى فرح الطيور لمن تشوف النيل
