الشعر

مرة لو يسمح ضميرك
خلي خاطر شوقي يوصل
ما المشاعر اقوى مني
ومن ظروفك لما ترحل

كانت بتقلي الحن
كان المكان هادي
وانا كنت زي خرمان
والقهوة بتنادي

ادمنت صُحبتي للغيوم
بقعد مرطب مستكين
حتى ابتسامتي عشقتها
وبعامل الناس بالعموم
قررت بي خبره سنين
ابسط ظروفي احبها

إشتقت ليك
ما جيت
حابي اسمعك
صنيت
وشردت من أهلي
ما لقيت في بيتك بيت

كنت داخرك للعديله
وراسمك النور الالهي
لوحه لي احلام جميله
فيها افراحي وبراحي

ياحبيبي ودعتك الله
والله مابودر ودايعو
سبت قلبي معاك ورحتا
اصلو قلبي انا ليك بايعو

شفت الخريف الطيبو خش الروح معاك
من روحتا بت عمك تشمو كمت كمت
وشفت الحنين الكنت بشكيلك لهيبو ووجتو
وما جبتلك من تاني سيرتو وحجتو

البسمة التطمن
و الضحكة النقية
خوة جميلة صادقة
و العشرة الوفية

عندك مانع ..
افضل ضايع
وجووووه عيونك أقرا روايع…؟
عندك مانع..

بتضحك زي القيف
لما تلثم خدو موجه
وزي نسيم في لفحه الصيف
هم فقير مانعاهو عزة