الشعر

البنيات
الصباحات
سمحه مرقاتن بلا الريل
بي تخاصيمهن يلمن في الضيوف
ترحاب وتفضيل

الحبيبة الهناك
مشتهيك
هسه كيف
افتقاد إعتيادي
وكدا

عوافي عليك
وقت نتجارى في الحلة
نفتش في شليل يمكن
هناك شافوهو خلق الله

ندقدق في الحنين اجراس
اذا جرس المحنة رطن
رطن صوت الولف دوباي
اذا جوة الحنايا سكن

منو الخلاك تخش في الجوف
تداعب بؤرة الإحساس
وتنهيدات بواقي الوحشة
والشهقة التجيب الشوق

مرة لو يسمح ضميرك
خلي خاطر شوقي يوصل
ما المشاعر اقوى مني
ومن ظروفك لما ترحل

كانت بتقلي الحن
كان المكان هادي
وانا كنت زي خرمان
والقهوة بتنادي

ادمنت صُحبتي للغيوم
بقعد مرطب مستكين
حتى ابتسامتي عشقتها
وبعامل الناس بالعموم
قررت بي خبره سنين
ابسط ظروفي احبها

إشتقت ليك
ما جيت
حابي اسمعك
صنيت
وشردت من أهلي
ما لقيت في بيتك بيت

كنت داخرك للعديله
وراسمك النور الالهي
لوحه لي احلام جميله
فيها افراحي وبراحي