الشعر

يا سيد الإحساس يا رائع
يا الجواي نبضاتك حيه
خلي الحزن يفتش ناسو
والافراح بس ليك ولي

مستني التعب لو يغشى
خطوات الحنين في جوفي
متلهف بتاوق سرقة
لو بالصدفة جيتي تطوفي

نايحات القصايد فيني
والزفرة اللي مابتستنى
ضيق الشهقة مابكفيني
لولا يقيني

أنا كلما أنادي الحروفى
نرسم قوافي نلونا
بلقاكي لي حس القصيد
تستعبدي الأوتار غنا

قربك الأصبح مطوح
بين حقايقي وبين خيالا
بين نقص الفكرة عندك
و إنو عندك اكتمالا

صباح ابتهاج للقوافي الحزينه
بعد طال غايبها
وملامح زمان فيني كانت سجينه
وبتعلن ايابها

في نفس الحتة و ذات البيت
دروخني نسيم
طراني هواك خلاني بكيت

بتخيل يوم نحن الإتنين
ماشين في سحابة و متماسكين
و نعاين للناس و نتاوق
و نرسل ليهم شوق و حنين

السؤال الما طبيعي
لما تسأل عاملة كيفن
و انت مافي

وين مضرابي
شان العب معاك في الريدة
ما دام ضاعو كل العابي
شلت حنيني
بتي الحلوة