الحلمنتيشي

يا ريت لو كنا بنزرع

يا ريت لو كنا بنصنع

ما كان ساءت احوالنا

قالت ليهو : مالك بتاكل السندويتش حفار حفار
انت فار ؟

قال ليها : بقيت مجنون بقيت محتار

الاخ الكريم

عزيزي عمرو موسى

تحياتي وبعد..

أقطعي يا الجنيتي على القطع

كمبيوترك ما بعرف الجمع

اقطعي خلينا نبكي بالدمع

بترولنا ياهو الدين

حباب بترولنا فرحانين

ولي جيتك رجينا سنين

طلعت روحنا قبّالك

زولتنا كانت سمحه جد

في عيونا كان الليل لبد

و في رموشها كان القيف شرد

و في الضحكه بصب البرد

قالت : صحي النوم يا زول

عيد الريد والناس مبتهجة

مالو البال لا زال مشغول

عيد الريد ؟

أنا العيان

حرارتي الضاربة فوق ميتين

و لا بينفع بخور تيمان

و لا بتنزل دموع بالعين

حاجة عجيبة ودنيا تنسّي

ناس اغتربت تمشي المانيا

تمشي اليابان ونيوجيرسي

حاجة عجيبة وجات بالعكس

سماحتك عقّدتني عديل

أعاين ليك دموعي تسيل

أكُر في الحمدو عشرين مرّة

وأقرى معاها سورة الفيل