يابادي النجوع | مُحمَّد ود فضل الله العايدي | شعر سوداني
يابادي النّجُوع ما شُفْتَ خيرالسيد ؟
قطّاع الفَجاج فوق المِصاعو جديد
شَلَعْ الحوش وقام مِن الطّويشه صعيد
دي الوَلَد البِصوقِر في البَطيحه رشيد
جقله | آمنة النَّقيب | شعر سوداني
جَقْلَه ليها مأوَّلْ
اُم شَحَماً كالْ واتْعَوَّلْ
دورْهِنْ دَرْمَسْ طَوَّلْ
لِقِي ام كُرْبيلاً نَوَّر
عجال دكة | مجادعة | شعر سوداني
عجّال دكّه مِتبارين قَدُر ما نتَلِّب
وما فينا البخف قلبو وجِليدو بكَلِّب
ماخسّانا كان بِتْفِز وكان بِتقَلِّب
حَدْ ماترسي فوق عرقوبها سوطنا بعَلِّب
فرحت كردفان | فاروق ود الشيخ محمد الأمين ود المراد | شعر سوداني
فِرْحَتْ كُرْدُفان جاها الخريف اللّيِّنْ
ربوعها جميعو بي توب الخضار مِتزيّن
بَرّاقها البِعَرْجِنْ مِنْ بَكانْ لي بكيِّنْ
يِعَتِّمْ في مكاميش مِزْنَها المِتْحَيّن
سمحة الخوة | نزار سراج | شعر سوداني
ﺧﺎﻭﻱ ﺍﻟﺒﻘﻠﻌﻮ ﺍﻟﺘﻮﺏ ﻣﻨﻬﻢ ﻭﺇﻛﺴﻮﻟﻚ
ﺑﺰﻳﺪﻭﻙ ﺧﻴﺮ ﻭﺍﻛﺎﻥ ﻣﺎ ﺯﺩﺕ ﻣﺎﺑﻴﺤﺴﻮﻟﻚ
ﺧﻮﺓ ﺩﻳﻞ ﺍﺻﻴﻠﺔ ﺍﻥ ﻏﺒﺘﺎ ﻣﺎ ﺑﻨﺴﻮﻟﻚ
ﻭﻧﺎﺱ ﺍﻟﻮﻧﺴﺔ ﺳﺎﻋﺔ ﺍﻟﺤﺎﺭﺓ ﺑﺘﻔﻨﺴﻮﻟﻚ
شمايل | نزار سراج | شعر سوداني
مصايب الدنيا والزمن البغيير
قاسي تبدل المن تبه خيير
شمايلن فينا يام حسنن بحيير
عليها بغني بالبحر القصيير
فوقن سو غناك | الهمباتي الأغبش | شعر سوداني
ان درتو الحديث الموخمج ومحكر
اسمعو بي إستناط قبل المزاج إتعكر
النضم المجيه في الرجاله موكر
بحقوهو ناسا” ضمه غير العسكر
اللاقيتو | هتان حمد النيل | شعر سوداني
اللاقيتو في نهاريه خلقه محفل
جاب لى قلبي شحتافه وبقيت اتطفل
طرفو الخاتي ، قلبي غرامو بيهو اتكفل
طبلون عشقي طللق ارمي هن ما قفل
قمر السبعتين | إيمان متوكل | شعر سوداني
قمر السبعتين الضوا ما لاقاني ..
ومالاقيت بعد محبوبي قمراً تاني ..
أنا يامروة كان الله الكريم أداني ..
أشريي ووأوزعو لخلق الله بالمجاني ..
يا دموع الفرح | محمد عبد الله عبد الواحد | شعر سوداني
علي خدي يا دموع الفرح
كان صدري ضيق وانشرح
دي آخرة الألم اللقيتو
في اول الأحزان جرح