اسم الكاتب: ghaydood

أنا العيان

حرارتي الضاربة فوق ميتين

و لا بينفع بخور تيمان

و لا بتنزل دموع بالعين

حاجة عجيبة ودنيا تنسّي

ناس اغتربت تمشي المانيا

تمشي اليابان ونيوجيرسي

حاجة عجيبة وجات بالعكس

سماحتك عقّدتني عديل

أعاين ليك دموعي تسيل

أكُر في الحمدو عشرين مرّة

وأقرى معاها سورة الفيل

قلبي صحن دش وعيونك عربسات

والبث حي مباشر من شفاتك

سلكي ولاسلكي وعبر المسافات

يسري اثيرك في فضاي وصفاتك

يا القصيت دربنا وجيتنا

من بين الشباب ناديتنا

قلنا كتير خلاص حبيتنا

لما شبكنا فيك ابيتنا

اقولها نصيحه ليك يابابا

أحذر جيرة العذابه

اهل الضمنه والكوتشينه

ديل اهل الطباع الشينه

اريدك كيف

اريدك كيف وبيتكم انتو سابع دور

وريحة كلبكم ريف دور

أريدك كيف

الحافلة بعدك محزنة ركابها فارقهم الهنا

ده حرام عليك ياجميل ما بيصح ليك تنزل هنا

ساعة وصولك يا أمير تبينا واقفين كلنا

عشان تقعد انت وتستريح ليك التعب ما بيهمنا

سمحة وطيبة يا ناس الله هالكاني

وبالهار كاري كاتلاني

ومحضرة من زمان كفني

وأصله القصة قصة حب

– ألو منو ؟

– واحدة بكلم مكتبك

– قصدِك منو؟ الخرطوم هنا

– ما عارفه مال حيكون رَبَك