الحلمنتيشي

يا دنيا ليه دايما كده كل الظروف متمردة
حظ الشقي الما خلّا باب في الدنيا لافي مُحّددة
لا طال حلم لا طال نصيب بقراية كوم متعددة
يا دنيا ليه دايما جري ما تقيفي مرة واصبري

ضلافينك جميلة وكت تعفصي طين قليبي حنان
وتقدلي زي سخل منداح بسابق في ضنيبو الكان
بهش ضبان ثقيل متلم ويرقص لما تمشي كمان
عيونك سر جمالا قضا ملايس خافي حوصاً بان

ارجوك يا اماه يا محبوبتي لا تهبشيها عصيدتي
مدي الي بمقبض المفراك وحبيبة من ويكة مدقوقة في الفندك
ارجوك يا اماه يامحبوبتي ان مرة جاءؤا اليك وخبروك
بأنني انا حامل للحلة لا تجزعي لا تجزعي بل زغردي بل كبري و تهللي

تسألوني كيف عامل حالتي و الله صعبة
من بقيت واحد موظف قلبي للعربات حبَ
كل ما شاهدت تكسي صفق القلب و شبَ
و اظل الليل احلم راكبا في التكسي جنبة

كل ما أقبّل وأعاين ألقى عينيك جات في mine
حاجة very good حاجة fine
يا suger مصنع كنانة يا flour مالي البطانة
إنت fantastic banana

اتململت في القعدة واتشهدت مليون مرّة
بخاف المحنة والزرة لساني خفيف وقلبي رهيف
واكان قالت صباح الخير اقّرب اقيف
براي يوم داك رميت نفسي طردت الخوف ده من قلبي

ريدى ليك يا أم شداق يقلب اللورى فى الدقاق
ولما أغلط وأقول مشتاق عيونك جب تكرب جوه فى عيونى
تبهدلنى وتبشتنى وتجقمت فى مصارينى
وأتوكل وأقول اااااااي بريدك

بحبك ! منو القال ليك بحبك
حصل شفتيني اتكبكبت ؟ ولا جريت انا في دربك
ما ساكت قدر مكتوب كان جابني وقعد جنبك
ولمن كان بعاين ليك ماعاجبني لون عينيك

أجبر خاطري بس يا زول لو حني بي مس كول
ليه أصبحت جافي وريدك ما هو صافي
صارف عني ولا إظهار رقم مافي
قول لي أيه يفيدك وأنا قلبي البريدك

يا حبيب الشعب يا إنتاج بلادي
الله ما أحلاك بالجبنة والزبادي
فيك سحر غير عادي
إنت القدر و الحبيب
رهيب والله رهيب