العاميّ

شن عندي ليك أنا يا وطن؟
غير القصيدة
الشابّي فرعها في الشموخ
هادي الحروف الغنّتك

أقول آبنية:
ليش ما تهِمي؟
فوق زولاً مشلهت فوق دريبك
لا النّفس مجبود

تلوحي
زي المناديل لي سفينة
وتقري في صوتي القماري المستريحة
ورايحة من باب المدينة

ماك شايف الضو؟
بتعاين وين؟
خالتك….
اااي مرقت

ياها مكة
وذاتم الأشراف
وسادات القبيلة الأخرجوك
يا (جعفر الطيار)

المغازلين الاوايل
الجدي
الظبي
والارايل

بعد تمشي الحبيبة تفوت
بتطلع في القلب آهه
وتنزل زي فحيح النار
وتفتح تاني مجراها

باسم الحاضر والمستقبل
ست الدار بت أحمد قالت :
ليك يا الزين ود حامد شوقنا
أما بعد ،

اتعودتَ أقرا ضفاير الشارع
وأعاين في ضهر زمني البيتمايع
سبايب فرتقن قيد التياب البيضا
وانطلقن مع الريح

كنتِ معاي

وكان الشوق فِي الكرسي الفاضي
وطعم الحتة حزين
ولون القلب بنفسج