العاميّ

شوك الشّوق .. لي الشّوفه آ خي
ضارب في إطن النسج الحي
يا مُنقاش و أحزاني إنشرّت ..
وادي الفرح إتمدّدْ صيْ

ما ضهبت اقول لقيتك
وانتى فى كل الخواتم والمياتم
والنجيمات والعواتم
ما حزنت اقول بكيتك

عجّزت
ياواد ؟

مسرع..؟
ميتى
وكيف ؟

أنا ماشي …
راجِع …
لي بِيُوت
تفتح لِي أدُقْ
أو
ما أدق

هيْ .. أقيفِنْ ..
نورا فِيكِنْ ؟ . ؟
نورا … نقّاحة الجِّروفْ ..
نورا … حَلاّبة اللِّبيني ..

سمي قبل تخش محمود الجيلي خت قدمك علي باب القلب براحة براحة و سمي قَبُل تخش يمكن يخش قبلك نسيم

ومشتاقين ..
حبيب القلب يا طيب
أراضيك وين؟؟
أمس مالحقت أمسي عليك
ولا مساني من طيب الأغاني حنين…

سأل الفراش ورده
ليه ما سألتي علي
ما حاسه حالي البي
غايب عليك يومين

أنا الممكون وفاكِّي الريق
جغيمة موية من إبريق
لهيب الجوع حرقني حريق
مِطَفِّق لَي جضيماتي

البيوت مرقت تعاين
للسحاب الفوقها حايم
ما هي أصلا عارفه حالا
عطشة الزول لما صايم