الشعر

منسية ساجدة سجود سهو
يا ناسية فرضك وهم نسوك
ما كلموك؟
النيل ضهب منك وقت يبطل وضوك

أقصى الوجع إنو صحبك يعادي
يزيد في خصومتك ويرميك عادي
يبشتن حواسك وهو الكان
بكون في خصومتك هو ناسك

شلت من الصيد
عين ونفرة وجيد
القدر مكتوب
تبقى سيد الريد

إكتمال سرب البنفسج
في احتمال اللوحة سرمد
عدة ألوان عندك أحمد
أبهت أولاد عمك أبيض

ابتسامة ذات معنى
تفرح القلب المعني
كل من شافا تمنى
أن تدوم الابتسامة

ياخ يسعد مساك
كيفك إنتي الخبر
عُلو خير؟
عُلو هذا الحنين المعاي ما معاك

شن قولك إذا لبس الصبر همك
صبح كل الفرح هولك
وشن قولك إذا مترت إحساسك
طلع هم البلد طولك

طالباك ابتسامة
وعيون أشوفن
بتقوم القيامة
يا الغتي التعشرق
وتروح من كلامه

بين ضلمة وبرد وأوجاع
والقلب الرقد ملتاع
شوق صحاي
شوق دوزن حروف الدنيا
لكن ما طلع غناي

أنا يا غالية زمان وريتك
أستري بيها الطرحة خدودك
وكم نبهتك أوعي برا البيت تبتسمي
وربنا عالم جوا البيت أنا خايف حسودك