كنت قايلك زولة طيبة
زيدي الفراق شان تاني يكتر
وخلي البينا تصبح زي عدم
زيدي الهجر يا حلوة انتي
ما هو الغرام كاسيهو الندم
يوم عشقتك كنت صادق
في غرامك بي عشــــــم
كنت حالف أبقى منــــــــــك
وفــــــي الهيام أعزف نغـــم
أخلصت ليكي بكل جوارحي
وبي الجروح زدتي الألـــــــم
وكتبت في أحــــــــلا الكــــــلام
وشعــــــــري بي إسمك نضـــــم
بس إنت بعت الكان بريدك
لي عذابو وربي بدون فهم
زيدي الفراق شان تاني يكتر
وخلي البينا تصبح زي عدم
كنت فاكرك صادقة لي
وغالي عندك يا وجيهة
كنت شايك في عيوني
وكنت جاهل بالحقيقة
كنت قايلك زولة طيبة
وطيبة إنت كمان حبيبة
كنت تايه في جمالك
كنت غارق في دلالك
كنت هايم بي كلامك
كنت عاشق لي سلامك
كنت باكي علي نواك
بس كنت جاهل بالحقيقة
زيدي البعاد يا قمرة إنت
وخلي البينا تصبح زي عدم
الــــغرام لو كان مصــــــالح
ألف مـــــــرة ولا حــــــبابو
والعشق لو كان بيقـــدم
ديمة عكبو علي صحابو
خاينة إنت وديمة قاسية
فتحتي قلبي علي عذابو
ربي يجــبر لي قلــــيبي
ويوم تشوفي أكيد حسابو
زيدي العذاب شان تاني يكتر
وخلي البينا تصبح زي عدم
فت منك عيشي إنت
على مزاجك وأبقي واعية
يوم بجيكي البيكي يلعب
بي مشاعرك أبقي جاهزة
البخون يا خاينة بندم
والجروح في قلبو زايدة
والندم يوم يبقى ساكن
في القليب لا منو فايدة
عيشي إنت بعيش حياتي
وفي الغرام بكتب رواية
زيدي الهجر يا سمحة تاني
وخلي البينا تصبح زي عدم
زيدي البعاد يا خاينة أكتر
وخلي البينا تصبح زي عدم