ياخي سامح من دواخلك

ياخي سامح من دواخلك
و اوع تظلم يوم حبيب
خلي قلبك في بِياضو اصفا من لبن الحليب
الزعل مرات بيحصل و الخصام بصبح قريب
و المشاعر تبقى تايهة عايشة في إحساس غريب
إلا لو شاورْت قلبك و المشاور ما بخيب
برجع الحب في دواخلك و الجراح في الحال تطيب
الضمير لو قرر احكم إنت اقبل و استجيب
الدرْب مرات بودي و مره ليكا كماں بجِيِب
الظروف مرات بتقسي يوم سعادة و يوم نحیب
إنت اتعلم تسامح خلي بس صدرك رحيب