يا حبيب الروح بتزعل
غير معروف
لو سألنا عليك كتير .. تبقى مغرور تبدا تتقل
ولو كمان بطلنا نسأل .. يا حبيب الروح بتزعل
يعني نعمل ايه معاك .. انت يا الما حاسي بينا
مرة تجرحنا بجفاك .. و مرة مرة تحن علينا
أبقى واصل للبريدوك .. يا حبيبنا و نور عينينا
نحن ما بنحمل غيابك .. و نحن نفرح يوم تجينا
لو سألنا عليك كتير .. تبقى مغرور تبدا تتقل
ولو كمان بطلنا نسأل .. يا حبيب الروح بتزعل
يعني عارف كيف غلاوتك .. و سبت نار اشواقنا قايدة
و انت عارف كيف نريدك .. و كل يوم الريدة زايدة
نحن صابرين لو نشوفك .. و الصبر ما منو فايدة
و انت زي الصيدة نافر .. صيدة لي ارواحنا صايدة
العيون الفرحتنا .. هسه غابت عن ديارنا
و الظروف زادت بعادا .. و ليلنا أصبح زي نهارنا
يعني قاصد يا حبيبنا .. تبقى نورنا و تبقى نارنا
لو بأيدي تكون قريبنا .. ولا كان بالغت جارنا
لو سألنا عليك كتير .. تبقى مغرور تبدا تتقل
ولو كمان بطلنا نسأل .. يا حبيب الروح بتزعل