يا بت الحلال
ﻳﺎ ﺍنتي ﻳﺎﺑﺖ ﺍﻟﺤﻼﻝ
ﻳﺎ ﺍﻟﻔﺎﻛﺮﺓ ﻧﻔﺴﻚ ﺟﻮﻫﺮﺓ
ﻳﺎ ﻋﺎﻣﻠﺔ ﻓﻴﻬﺎ ﺍﻟﺒﺖ ﺧﻼﺱ
ﻓﻴﻬﺎ ﺍﻟﺸﺒﺎﺏ ﻣﺘﻜﺴﺮﺓ
ﻳﺎ ﺧﻨﺘﻲ ﻋﻬﺪ ﺍﻟﺮﻳﺪ ﺑﺮﺍﻙ
ﺳﻮﻳﺘﻲ ﻟﻌﺒﺔ ﻭﻣﺴﺨﺮﺓ
ﻳﺎﺭﺍﻳﺤﺔ ﻓﻲ ﺩﻧﻴﺎ ﺍﻟﻐﺮﺍﻡ
ﻓﻲ ﻛﻞ ﻭﺍﺩﻱ ﻣﺒﻌﺜﺮﺓ
ﺩﺍﻳﺮﻙ ﺩﻗﻴﻘﺘﻴﻦ ﻓﻲ ﻛﻼﻡ
ﻣﺎﻓﻴﻬﻮ ﻧﻘﺔ ﻭﺳﺮﺳﺮﺓ
ﺑﺲ ﻋﺎﻳﺰ ﺍﺷﺮﺡ ﻟﻴﻚ ﻏﺒﺎﻙ
ﻭﺍﺳﺒﺎﺏ غباﻙ ﺍﻓﺴﺮﺓ
ﻣﺎ ﺍنتي ﺑﺲ ﻧﺎﻛﺮﺓ ﺟﻤﻴﻞ
ﻭﻋﻠﻰ ﺍﻟﺠﻤﻴﻞ ﻣﺘﻨﻜﺮﺓ
ﻓﺎﻛﺮﺓ ﺍﻟﻐﺮﺍﻡ ﻭﺍﻗﻒ ﻋﻠﻴﻚ
ﻭﺍنتي ﺍﻟﻮﺣﻴﺪﺓ ﺍﻟﻤﺒﻬﺮﺓ
ﻓﺎﻛﺮﺍﻧﻲ ﻓﻴﻚ ﻭﻟﻬﺎﻥ ﺷﺪﻳﺪ
ﻟﻤﻦ ﺑﺘﻮﻩ ﻭﺳﻂ ﺍﻟﻘﺮى
ﻛﻀﺎﺑﺔ ﻣﺎﻙ ﺍﺣﻠﻰ ﺍﻟﺒﻨﺎﺕ
ﻭﺍﻟﺒﺖ ﻋﻼﻫﺎ ﻣﺎ ﻣﻈﻬﺮﺓ
ﺳﻤﺢ ﺍﻟﺨﺼﺎﻝ ﺑﺲ ﻫﻮ ﺍﻟﺠﻤﻴﻞ
ﻭﺍﻟﺒﺎﻗﻲ ﻗﺸﺮﺓ ﻭﻓﺸﺨﺮﺓ
داير اوريك الصواب يا ماك أشباه الورى
ما تقولني انك في كمال وانك جميله
وجوهرة
وانت الغرام والحب معاك اصلا دروبو
مسمكرة
وحاشاك مابتستاهليو والريدة فيكي
مخسرة
وانا من زمان عارف تمام انك مجرد
منضرة
بتعكسي حاجات ماها فيك وقليبي فيك
وسوس برا
وانك مجرد زولة بس مكتسبة اثواب
العرا
الليلة جاية تقولي لي قصتنا ماتتذكرا
هو البينا اصلا كان شنو؟ ماحاجة زي ما
في الكرى
قصه ولد ضيع زمن في وحدة ماها
مسترة
ماكان في شي وما بكون في شي
بالنسبة لي ياسكرة
وانا اصلوا يا انت الغرام عارف دروبو
وخابرة
لكن كمان عارف تمام انو المدام متأثرة
وحتدور رحى الايام زمن وتجيني تاني
مكسرة
وعايزك تعرفي علم يقين لمن تجيني
محسرة
انك براك من القمر تلبتي في قعر الثرى