تعالوا سوا
غير محدد
تعالوا سوا
نفتش دفتر الماضي
منو الزعلان وما راضي
نرجع كل شي عادي
عشان نرمي الملائم غادي
تعالوا سوا
نطيب خاطر المكسور
نشيل السماحة للمعزور
نصل أرواحنا نمشي نزور
عشان يبقى الخصام مجزور
تعالوا سوا
نغسل من قلوبنا الغل
عشان كل الصعاب تتحل
ونصبح في الهجيرة الظل
وغيمة حنينه تسع الكل
تعالوا سوا
نربي الإلفة بيناتنا
نحقق بيها من ذاتنا
ونكسي العف بنياتنا
عشان تتسما غاياتنا
تعالوا سوا
نشر فرح العمر نطرح
وكت عز الهموم نفرح
نسامح وأصلو ما نجرح
ولا نشيل الهموم نسرح