سجم الجنى الما عندو مال
ﺷﻘﻴﺎﻥ ﻣﻬﻠﻮﺱ ﺑﺎﻟﺰﻭﺍﺝ
ﻣﺘﻤﻨﻰ ﺑﺲ ﺑﺖ ﺍﻟﺤﻼﻝ
ﺭﺍﺳﻰ ﺍﻧﺼﻠﻊ ﺿﻬﺮﻯ ﺍﻧﺤﻨﻰ
ﺍﺻﺒﺤﺖ ﺯﻯ ﻗﻠﻢ ﺍﻟﺪﻻﻝ
ﺍﺗﻜﺮﻓﺲ ﺍﻟﻮﺵ ﻭﺍﻧﻜﻤﺶ
ﻭﻗﻌﻮ ﺍﻟﺴﻨﻮﻥ ﻭﻗﻮﺍﻣﻰ ﻣﺎﻝ
ﻛﻞ ﺍﻟﺴﺒﺐ ﻋﺪم ﺍﻟﻘﺮﺵ
ﺳﺠﻢ ﺍﻟﺠﻨﺎ ﺍﻟﻤﺎﻋﻨﺪﻭ ﻣﺎﻝ
ﺍﻧﺎ ﺍﺻﻠﻰ ﻣﺎ ﺳﺠﻢ ﺍﻟﺮﻣﺎﺩ
ﻭﺍﻧﺎ ﺍﺻﻠﻰ ﺷﻮﻡ ﻣﺎ ﻋﺮﻓﺖ ﻓﺎﻝ
ﺍﺗﻌﺰﺯﻭ ﺍﻟﺒﻨﻮﺕ علي
ﻭﺍﺗﻘﻨﺪﻓﻦ ﻓﻌﻠﻦ ﻓﻌﺎﻝ
ﺍﻟﺒﺎﻳﺮﻩ ﺩﻳﻚ ﻣﺎ ﺑﺘﺮﺿﻰ ﺑﻰ
ﺷﺒﻪ ﺍﻟﻘﺮﺩ ﻋﻤﻠﺖ ﻏﺰﺍﻝ
ﻭﺍﻟﺸﻴﻨﻪ ﺻﺎﺭﻩ ﻭﺟﻴﻬﻬﺎ ﻟﻰ
ﻋﻤﻠﺖ ﻛﻤﺎﻥ ﻣﻠﻜﺔ ﺟﻤﺎﻝ
ﻛﻞ ﺍﻟﺴﺒﺐ ﻋﺪﻡ ﺍﻟﻘﺮﺵ
ﺳﺠﻢ ﺍﻟﺠﻨﺎ ﺍﻟﻤﺎﻋﻨﺪﻭ ﻣﺎﻝ
ﺍﻣﺸﻰ ﻟﻲ ﺑﺖ ﺍﻟﻌﻢ ﺗﻘﻮﻝ ﻋﻤﺎً
ﻳﻜﺒﺴﻚ ﺷﻮﻑ ﻟﻴﻚ ﺧﺎﻝ
ﺍﻣﺸﻰ ﻟﻲ ﺑﺖ ﺍﻟﺨﺎﻝ ﺗﻘﻮﻝ
ﺧﻠﺨﻞ ﺿﺮﻭﺳﻚ ﺳﻮﺱ ﻋﻀﺎﻝ
ﻭﺍﻣﺸﻰ ﻟﻲ ﺑﺖ ﺍﻟﺠﺎﺭ ﺗﻘﻮﻝ
ﺟﺮ ﻳﺎ ﻛﻠﺐ ﺳﻌﺮﺍﻥ ﻭﺿﺎﻝ
ﻛﻞ ﺍﻟﺴﺒﺐ ﻋﺪﻡ ﺍﻟﻘﺮﺵ
ﺳﺠﻢ ﺍﻟﺠﻨﺎ ﺍﻟﻤﺎﻋﻨﺪﻭ ﻣﺎﻝ
ﻛﻞ ﻣﺎ ﺍﻗﻮﻝ ﺍﺧﻄﺐ ﻟﻰ ﺑﺖ
ﺍﻟﻨﺎﺱ ﺗﻔﻚ ﻓﻮﻗﻰ ﺍﻟﺠﻬﺎﻝ
ﻫﺎﻙ ﻳﺎ ﻟﺒﻊ ﻫﺎﻙ ﻳﺎ ﺧﺒﻂ
ﻧﺎﺱ ﺑﺎﻟﻌﺼﺎ ﻭﻧﺎﺱ ﺑﺎﻟﻨﺒﺎﻝ
ﻭﺗﻘﻮﻡ ﻋﻠﻰ ﺍﻡ ﺍﻟﻌﺮﻭﺱ
ﺗﻠﺒﻌﻨﻰ ﺑﻰ ﻓﺮﺩﺓ ﻧﻌﺎﻝ
ﻭﺗﻘﻮﻝ ﻟﻰ ﺭﻭﺡ ﻳﺎ ﻋﺮّﻩ
ﻏﻮﺭ أﺧﺘﺎﻧﺎ ﻳﺎ ﺧﻴﺒﺔ ﺍﻟﺮﺟﺎﻝ
ﻭﻳﻦ ﻣﺎ ﺍﻣﺶ ﺯﻳﻦ ﺍﻧﻬﺮﺵ
ﻗﻂ ﻟﻠﻌﺮﺱ ﻣﺎﻓﻴﺶ ﻣﺠﺎﻝ
ﻛﻞ ﺍﻟﺴﺒﺐ ﻋﺪﻡ ﺍﻟﻘﺮﺵ
ﺳﺠﻢ ﺍﻟﺠﻨﺎ ﺍﻟﻤﺎﻋﻨﺪﻭ ﻣﺎﻝ