رمضان في البيت
غير محدد
رمضان في البيت
احساسو عجيب
أتوضاء ابوي
كورك يا ود
شمس الله هديك هسع بتغيب
شيل الفرشات
ناديهو اخوك خليك قريب
يا يمه ارح وين الليمون جك الأبري
يا ود اصبر جاهز وقريب
ونشيل ونخت ونخت ونشيل
فوق الشارع مرقو الجيران
اترصو صفوف
يا حاج التوم كيف كان اليوم
مالك يا حاج وشك مخطوف
إتفضل جاي يا ود الخال
ويمين حرم ياخ انتو ضيوف
صوت الأذان باسمك يا رب
ابتلا الجوف وحلاوة القعدة
وسيرمس شاي والجبنة بي جاي
والكيف ملهوف
ونخت ونشيل ونشيل ونخت
أولاد الحي شالو الباقات
والنوبة وطار حاج إبراهيم
يا صايم قوم اتسحر
قوم خليك هميم