قالوا
قالوا :
ﺍﻟﺤﺮﻩ ﺑﺘﺨﺎﻑ ﻣﻦ ﺳﻤﻌﺔ ﺍﻟﻮﻟﻴﺎﻥ
ﻭﻋﺮﻳﺎﻥ ﺍﻟﻌﺮﺽ ﻣﺎ بيسترﻭ ﺍﻟﺪُﻟﻘﺎﻥ
وﺍﻟﻤﻮﺕ ﻓﻲ ﺍﻟﺸﺮﻑ ﻣﺎ ﺑﻬﺎﺑﻮ ﺇﻻ ﺟﺒﺎﻥ
ﻭاﻟﻮﺳﻮﺍﺱ ﺃﻛﻴﺪ بيحرﻗوا القرآن
قالوا :
ﺍﻟﺪﺍﻳﺮ ﺍلغنى يعمل ﺣﺴﺎﺏ ﻟﻲ ﻓﻘﺮﻭ
ﻭﺍﻟﺨﺎﻳﻒ ﺍﻟﺤﺴﺎﺏ يعمل ﺳﻤﺢ ﻟﻲ ﻗﺒﺮﻭ
ﺍﻟﺪﺍﻳﺮ ﻳﺸﻮﻑ ﻋﻨﺪ ﺍﻟﺒﺸﺮ ﻛﻢ ﻗﺪﺭﻭ
ﻳﻌﻘﻞ ﻭ ﻳﺤﺘﺮﻡ ﻛﻞ ﺍﻟﺼﻐﺎﺭ ﻭ ﺍﻟﻘﺪﺭﻭ
ﻗﺎﻟﻮا :
ﻗﺎﻟﻮ ﺍﻟﺤﻲ ﻗﺪﺭ ﻣﺎ ﻳﻐﻴﺐ ﻣﺼﻴﺮﻭ ﻳﻼﻗﻲ
ﻭﺣﺎﻝ ﺍﻟﺪﻧﻴﺎ ﺗﻔﺮﻕ ﻭﺑﺮﺿﻮ ﺗﺎﻧﻲ ﺗﻼﻗﻲ
وﻗﺪﺭ ﻣﺎ ﺗﺤُﻜﻢ ﺍﻻﻳﺎﻡ ﻭ ﺗﻨﻮﻱ ﻓﺮﺍﻗﻲ
ﺑﻠﺒﺲ ﻳﻮﻡ أﻟﻘﺎﻙ ﺗﻮﺏ ﺍﻟﻔﺮﺡ ﻋﺮﺍﻗﻲ
ﻗﺎﻟﻮا :
ﺗﻮﺏ ﺍﻟﻌﻔﻪ ﻣﺎ ﺑﺠﻴﺒﻮﻫﻮ ﻣﻦ ﺍﻟﺴﻮﻕ
ﻭﺳﺎﺗﺮ ﺍﻟﺤﺸﻤﻪ ﻣﺎﺑﻜﺴﻮﻫﻮ ﺑﺎﻟﻤﻄﺒﻮﻕ
وﺫﻭ ﺍﻻﺩﺏ ﺍﻟﺮﻓﻴﻊ ﻭﺍﻟﻬﺎﻳﻒ ﺍﻟﻤﻄﻠﻮﻕ
ﻣﺎ ﺑﺘﺒﺎﺭﻭ ﻟﻲ ﻳﻮﻡ ﺟﺮﺓ ﺍﻟﻮﺍﺳﻮﻕ
ﻗﺎﻟﻮا :
ﺍﻟﺒﺮﺩ ﺍﻟﺒﺤﺮ ﻣﺎ ﺃﻇﻦ ﺑﺼُﺪ ﻇﻤﺄﻥ
ﻭﺍﻟﻌﻨﺪﻭ ﺍﻟﺘﻤُﺮ ﻣﺎ ﺃﻇﻦ ﺑﻨﻮﻡ جعاﻥ
وﺍﻟﻌﻨﺪو ﺍﻟﺼﺒﺮ ﺗﻠﻘﺎهو ﺇﻧﻘﺸﻂ ﺇﻳﻤﺎﻥ
ﻭﻣﺴﻠﻮبي ﺍﻟﻌﺮﺽ ﻣﺎﺗﺴﻮهم ﻟﻴﻚ اﺧﻮﺍﻥ
ﻗﺎﻟﻮا :
ﺃﻟﻠﻪ ﻳﻘﻄﻊ ﺍﻟﺨﻮﻩ ﺇﻧﺒﻘﺖ ﺑﺎﻟﻤﺎﺩﻩ
ﻭﺍﻟﻠﻪ ﻳﻘﻄﻊ ﺍﻟﻜﻠﻤﻪ ﺇﻧﺒﻘﺖ مو ﺟﺎﺩﻩ
ﻗﺎﻟﻮا :
ﺍﻟﺰﺍﺭعها ﺭﺑﻨـﺎ ﻓﻲ ﺍﻟﺤﺠﺮ ﺑـﺘﻘﻮﻡ
ﻭﺍﻟﻤﺎﻓﻲ ﺍﻟﻨﺼﻴﺐ ﻣﺎ ﺑﺘﺪﺧﻞ ﺍﻟﺤﻠﻘﻮﻡ
ﻻﺗﺨﺎﻑ ﺍلفقر … ﺍﻟوﺍﻫﺐ ﺍﻟﻘﻴﻮﻡ
و اﺳﻌﻰ ﺍﻟﺤﺴﻨﻪ ﻗﺒﺎﻝ ﺍﻟﻘﻴﺎﻣﻪ ﺗﻘﻮﻡ
ﻗﺎﻟﻮا :
ﺍﻟﻮﻟﺪ ﺍﻟﻨﺠﻴﺾ ﺑﺤﻔﻆ ﻣﻘﺎﻣﻮ ﻭﺃﺻﻠﻮ
ﺑﺘﺤﺎﺷﺎ ﺍﻟﻤﻼﻡ ﻳﻨﺠﻊ ﻳﻘﺎﺷﺮ ﻓﺼﻠﻮ
ﺍﻟﻤﻮﺕ ﻓﻲ ﺍﻟﻌﺮﺽ ﺍﺭﻭﺍﺣﻨﺎ ﺗﺘﺮﺧﺼﻠﻮ
ﺭﺍﺱ ﻳﻨﺰﻟﻪ ﻟﻲ ﻏﻴﺮ ﺍﻟﻠﻪ ﺳﺖ ﺑﻨﻔﺼﻠﻮ
ﻗﺎﻟﻮا :
ﻗﺎﻟﻮ ﺍﻟﻨﻴﻪ ﺯﺍﻣﻠﺔ ﺳﻴﺪﺍ ﻭﻳﻦ ﻣﺎ ﻳﺮﻭﺡ
ﻭﺃﺻﻠﻮ ﺍﻟﺠﺘﻪ ﻣﺎﺑﺘﺼﺪ ﺗﺴﺎﺑﻖ ﺍﻟﺮﻭﺡ
ﺃﻛﺪﺡ ﻭﺇﻧﻜﺮﺏ ﻣﺎ ﺗﺨﻠﻲ ﺷﻲ ﻣﺴﻤﻮﺡ
ﺍﻟﺮﺯﻕ ﺍﻟﺤﻼﻝ ﺑﺎﻟﺴﺎﻫﻠﻪ ﻗﻂ ﻣﺎ ﺑﺮﻭﺡ
ﻗﺎﻟﻮا :
ﺧﺎﻭﻱ ﺃﺧﻮك ﺑﺎﻟﺤﺴﻨﻰ ﺇﻥ ﻏﻠﻂ ﺃﻏﻔﺮﻟﻮ
ﻭﺧﺎﻭﻱ ﺍﻻﺻﻠﻬﻢ ﻻ اتهاﻧﻮ ﻳﻮﻡ ﻻ اتزﻟﻮ
وﺧﺎﻭﻱ ﺍﻟﺪﻳﻤﻪ ﻣﻦ ﻓﻮﻕ ﺍﻟﺜﺮﻳﺎ ﺃﺗﻌﻠﻮ
ﻣﺎﺗﺨﺎﻭﻱ ﺍﻟﺒﺘﺐ ﻛﺴﻼﻥ ﻭ ﻫﻮ ﻓﻲ ﻣﺤﻠﻮ