لي متين؟!

أها .. ولمتين
تكون لمعة سراب قدامي
عاد لمتين
تسودني
وتبقى سيد احلامي..
سارق الطيف .. وشايل الروح
وحارسك لي ودادك ظامي ..

اغذيك من وهج احساسي
تسطع في ظلامات غيري
اهواك في هواك اقاسي
عاجبك في الوعر عتيري
بفرح لما ترتاح انت
مبسوط انت بي درديري
واصل في جفاك وعنادك
انا في الريد مواصل سيري

يا النجم السطع في كوني
كم ساهرت راجي طلوعو
يا الفرح الكبير في عمري
شاملني وفريد في نوعو
قلبي فردتو ما استكترو
فرحان ييكا ضوا شموعو
ليه تخزل خطاه تسيبه
غرقان غسلنو دموعو