كنا بالجد بنحب بعض
بمرور الريد غرقنا
مافي خاطر اعترض
لما غبنا الشوق تبسم
لحنين أدى الغرض
وارتعش طيف السعادة
الكان معاند مفترض
بس رهن شوق لي حبيبو
وفي سبيل احساسو فاز
فتّح الافكار شبابيك
وانعكس نور في القزاز
ادى عشقو كما تمنى
ولملم الاحلام وحاز
هدهد النبض المشاغب
وفجأة اعلن انحياز
للعيون البشبهنو
واي ضو ناسجنو منو
لي قلب بيشوف بقلبو
وينتعش بحسن ظنو
لي وهج لون اندهاشو
لما بيفيض يحكي عنو
لي مشاوير مهما تفتر
تلقى خطواتو بيغنو
(انت يا الابيض ضميرك)
وزنو كان في احلى كفة
ووزع البسمات وكفى
همسو ضي من قشعريرة
وحسو بي انفاسو أدفا
وكلمة في ابسط تحية
تحتضن دقاتو الفة
من زمان عاهد نجومو
وسالم الافراح ووفى
وبمرور الريد غرقنا
مافي خاطر اعترض
لما غبنا الشوق تبسم
لحنين أدى الغرض
وارتعش طيف السعادة
الكان معاند مفترض
كنا جد بنحب بعض
ولسه جد بنحب بعض
جد وجد حنحب بعض