خشيت مدارس في الغرام
خشيت مدارس في الغرام
وحصادي كان دبلوم سراب
أنا قلبي تلميذ ريد نجيب
وحبيبي أستاذ العذاب
درسني هم ومعني الدموع
أول درس كان في الكتاب
حفظني أصل الوجعة كيف
حتى الفرح من بالي غاب
معنى الحنين ما أداني ليو
كان الخداع حصص الحساب
بعرف يقتل الفرحه كيف
ويحول الريد اكتئاب
أنا هسي أكتب ليك شنو
جد ما لقيت غير العتاب
وكتبت بحبر الدموع
نزلت دموعي بقت خطاب
وأنا تاني هل معقول أريد
ندمان بسف فوق التراب
حأسيب مدارسك يا غرام
أنا ما جنيت غير السراب
أو بقول ليك بكل ملام
فارقني يا أستاذ العذاب
وأنا قولي ما مجرد كلام
جد قلبي من الريده تاب
أنا قلبي مؤمن بالفراق
وحقيقة هو المؤمن مصاب