حوار بين البنت والحبوبه
الحبوبه :
يا بّت ماشه وين جسمك ده
جت مكشوف
أ حفظيهو العليك ما تخلي
غيرك اشوف
أ كان هسي الولد شايفاهو
فيك ملهوف
بعد يا كلك لحم تلقيهو
منك اعوف
————-
البنت :
يا حبوبه هوي بس جيلنا نحنا
مغاير
وقت ما نفوت عديل صحباتنا
فينا تعاير
الزمن اختلف داير
القوا مالفاير
وبعد نقشر لبس نبرز
معاهو ضعافير
————-
الحبوبه :
يا بّت شوفي هوي درب العوج
فوتيهو
في وش الغلط بابك عليك
سديهو
ناهيينا الشرع من العرض
نرميهو
مذكور في الكتاب لو مره
بس اقريهو
————-
البنت :
يا حبوبه بس ياهو اللبس و
الموضه
ماك بتشوفي كيف الجامعه
عامه الفضه
لبسي عديل سمح من غيري ما
مرفوضه
اكان فيني الغلط من بدري
كان مقبوضه
————-
الحبوبه :
ها يا سجم الرماد ما تبقي ساي
غبيانه
لبسك كان زمان كان قالو
تب عريانه
اكان في الدنيا زول ما قال
عليك غلطانه
افكري لي الحساب وا لاخره
كيف نيرانه
————-
البنت :
يا حبوبه زين الفايده من
خبراتك
ادعيلنا الصلاح يوم ما تحيي
صلاتك
اكان شايفه الغلط وعيينا
احنا بناتك
وباكر ننصلح خصينا في
دعواتك
————-
الحبوبه :
ما تقوي الرويس تمشي الغلط
بالعنيه
و ما تبرى العوج تنشغلي
ساي بالدنيا
احفظيهو الكتاب ما تحاكي
لبس الغنيه
خلي العفه تاج و الجنه
تبقي المنيه
————-
البنت :
ومن اليوم كمان انا لبسي
تاني عبايه
ما دايره الكريم ما دايره
حتى مرايه
صدقيقه السوء كمان من هسي
ماها معاياه
والدنيا التطير والجنه
تبقي الغايه
————-
الحبوبه :
الشيطان زمان لي ربي قال
بغويهم
علي الصالحين من الغلط
بسنياههم
اتباع الرجيم في النار هناك
برميهم
علي الفايزين جوه الجنان
بويهم
————-
البنت :
يا ربي العطوف من العوج
احميني
والشيطان رجيم في دربو لا
ترميني
امشي علي الصراط .. قبر
الرسول
وديني
وفي جنات الخلد من النهر
اسقيني