زي فرحة العيد وزيادة

إحساس مرهف
لما يصارحك زول بالريدة..
لمن تنزل دمعة في خدك
يمسحها بي منديل الريدة
لمن تزعل يوم ما يسيبك
إلا يشوف الضحكك في وشك
ويبقى معاك في السكة رفيقك
في الجرح طبيبك.
في الوحدة أنيسك
ما يغيب منك.
ولو غبت عليه يسأل منك
وما يستنى سؤالك منه
لا بعاتبك لا بوجعك بالكلام
ويفوح من خشمو الحروف
وتعطر أجواء المكان
ويا سلام يا سلام.
لمَّا يطل عليك يوم
أو يرسل ليك رسالة
تحس بالشجن في قلبك.
وتترسم في وجهك ابتسامة
وتحس بباقي يومك.
زي فرحة العيد وزيادة