إنت كان ظلمتني

إنت كان ظلمتني ربي قايل دار يخليكا
لو شاكْـ يا ظلوم في عدلو الله برا بوريكا
إنت يا جارح قليبي الصادي أكد حقي راجيكا
شقيش ما تمشي صدقني يا مغرور بيلاقيكا
إنت سابح في بحور مجهولة طالق فيها صاريكا
لا صرخة ضمير جواك لا وآزع يقوليكا
أتاريني إتخدعت انا فيك يوم قدست عينيكا
إنت همك من لقاي اللحظة دون إحساس أتاريكا
كيفن هان عليك تجرحني والبي ما يبكيكا
ولا تفتحلي الجحيم بي نارة ابوابه وشبابيكا
أذكرك الأماسي الحالمة أحلامنا العراض ديكا
لكن شِن يجيب وريني ما دآم قلبك استيكة
بتذكر زمن تلهمني وأصدح بي غناويكا
والفرح اليدورو قليبي تعزف فيهو مزيكا
والليله الهموم جواي تنقر في دلاليكة
شمّت العزول في حالي حيرت الزمن فيكا
إيه ذنبي اني رغم جفاك لسه قلبي طاريكا
لا قادر يسيبو هوآك لا قادر يعاديكا