الشعر

تعالوا سوا
نفتش دفتر الماضي
منو الزعلان وما راضي
نرجع كل شي عادي

مرق مغصوب
ولا فرحان ولا مختال
هو بس كان ببتغي السترة
وشوية انفراج للحال

مسامح كل زول فيكم
كترت فيني غلطاتو
مسامح من ضمير صافي
وحتى الماغلط زاتو

حليلك يا وطن ساكن دواخلنا ومغيب في خريطة الشوم

ي قلبي لو رافض تتوب ما تبكي لو جافاك حبيب
لو كنت شايل حبو توب أرضى بالآهات نصيب

واقول معليش بتحصل ياخ
واسامحك لو نسيتني معاك

قبال تخش الامتحان
اعرف مقاييس رسمنا
راجع اشارات شوقنا ليك
واحفظ جداول ضربنا

يا اعز الناس حليلك وانت حاضن العود تغني
وقلبي السارح في الغناوي الطالعه منك وشيله مني

وكتين يضيع عرق الجباه الشم
شمار فى مرقة .. آه .. يا نورة آه

عشانك يايابا سبت بلادى واتغرب
واتحمل مآسى الغربة شان يايابا ما تتعب