العاميّ

سألوني ياخ بتحب منو
وانا ياخ خجلت واخْتَشيت

نفسي أكتب ليك كلام
تقراه إنت براك وبس

اكتر زول في الدنيا بريدو
ريدة خوة ربي يديمه

الدنيا راكوبة مقيل
اوعك يغشك ضلها
ماتنوم وتحلم يا جميل

عامل كيف؟
عايز تعرف بعدك حالي؟
الموضوع ما شكلو خطير

مالي.. شايفك في المرايات
عاكسة طِعين الدبابيس؟

داير رصيد عشان بيهو
اجري مكالمة
من قلبي لجوّه الضمير

زخة رصاص في الرأس
من سلطة معطوبة

تعالوا سوا
نفتش دفتر الماضي
منو الزعلان وما راضي
نرجع كل شي عادي

مرق مغصوب
ولا فرحان ولا مختال
هو بس كان ببتغي السترة
وشوية انفراج للحال