بالله افعل ما تريد
معتصم كدباس
اهـا ” نفترض إنك مشيت
بحصل ” شنو؟
وبموت منو؟
وعشان فراقك بدفنو؟
لو فاكر إني بجن ” وراك
هديهو قلبك وطمّنو “
انا ياخي أكبر من كده
وهسع ” فراقك بعَلنو “
عذرا ” اقيف؟
واسأل بنيات الغرام
عن سر عشق قلبي الرهيف “
انا صااااااح بريد
رغم المواجع والنزيف
لكني ” يوم اختار احب “
حبي جد مافيهو زيف
يلاكا ” من هذا الطريق
شان امرقك “
وأعلن وراك مشوار جديد
لا للحزن ” لابد عيد
هي الدنيا أصلا فيها ” ايه
غير ننبسط ” نهوى ” ونريد
وأخر كلامي بقولولك
بالله أفعل ما تريد