الإساءات ما حبابا
شاعر غير محدد
الإساءات ما حبابا
والكلام الشين جريمة
كل زول لو صان لسانو
يبقى عندو مكان وقيمة
وحقو نحسب كل كلامنا
وننتبه للفيهو ديمة
والسباب و الله بفسد
كل علاقاتنا الحميمة
وما في زول من الدنيا أصلا
قالوا مشكور بالشتيمة
تعالوا من اليوم نجرد
كل عباراتنا الأليمة
ونحذف الجملة البتجرح
وكل معانيها العقيمة
ونحفظ العشرة ونصونا
وننهي اي صفات ذميمة
ومفرداتنا المرة ترحل
ونبقي عايشين دون نميمة
وتزدهر كل المجالس
ونمشي في الطرق السليمة