الدنيا راكوبة مقيل
محمد أحمد الحبيب
الدنيا راكوبة مقيل
اوعك يغشك ضلها
ماتنوم وتحلم يا جميل
باكر تفوتك كلها
نفسك اذا دعّتَك تجور
ازجرها نفسك وذلها
الزم حدودك ومنهجك
والفارغه سيبا وخلها
ماتشابى للما بتلحق
والمها ليك ما تعدها
على قدر فرشك والسرير
رجليك يا زول مدها
والما بتخصك وما بتفيد
لاتودي دربك عندها
امسك لسانك لا تبوح
وعينيك من شر صدها
والما بتريدك ما تقول
بالقوة تاخذ وده
واضنيك من قول قلنا
بي طينه اقفل سدها
خليهو زادك دين نبيك
اكرب حبالك وشدها