البعزك ما بسيبك
وئام كمال الدين
البعزك ما بسيبك
لا ببدل زول مكانك
والبريدك بي عيوبك
يبقي يستاهل حنانك
والبعزك مهما تغلط
جد بكوس اعذار عشانك
واللي قاصد انو يبعد
قبل تغلط تلقي خانك
والبخون في يوم امانك
ما بيستاهل حنانك
واللي ما بديك زمانو
ما بيستاهل زمانك
والبعزك ما بسيبك
بالحنان يغمر عينيك
والسعادة تكون منالك
البريدك ما بفوتك
مهما جار عليه زمانك
تلقي بتحمل دلالك
وجوهه في عينهو مكانك
والبعزك ما بسيبك